1 | |
HStAOrient5a: 49r ṣalāḥīyet bulur. Ve is̱bāt‑i cevher‑i ferde delīl‑i meşhūr budur ki // eger her ʿayn ilā ġayri n‑nihāyete qābil‑i qısmet olsa cism‑i cebel ile // dāne‑i ḫardal ʿaẓm u ṣaġarda berāber olaydı. Zīrā ʿaẓm u ṣaġar // kes̱ret ü qıllet‑i eczā ile muʿteberdür. İkisinüñ daḫı eczāsı // ġayr‑i mütenāhīye olıcaq tesāvī muqarrer olur. Ḥażret‑i İmām // Yevāqītde buyurur ki: Egerçi qavm‑i felāsife mütekellimīnüñ qısmetde // tenāhī bulduqları fikr‑i vāhīdür. Zīrā [anlaruñ tenāhīden murādları tenāhī bi‑l‑fiʿldür bizüm] murādumuz ḫod inqisām // bi‑l‑quvvet ve ṣalāhīyet‑i teczīyedür. Quvvet‑i ṣalāḥīyet mütenāhīye // degüldür dėrler. Ammā qavl‑i mühmel ve fikr‑i nā‑maʿqūldür. Mücerred ibṭāl‑i // cüzde ʿāciz olub bu maqūle vehm‑i bāṭıl ve ḫayāl‑i ʿāṭıl // irtikāb ėtmişlerdür. Ve illā çeşm‑i revīyet ile rūy‑i ḥaqīqata // nigerān qılınsa tenāhīʾ‑i fiʿl ile tenāhīʾ‑i quvve yeksān görinür. // Maʿa hāẕā bu fikr‑i nā‑muʿavvilüñ müʾeddāsı dāne‑i ḫardal ile // cebel‑i aʿẓam belki küre‑i ʿālem berāber olmaqdur müʾeddā‑i muḥāl ve // nihāyet-i ḥamaqātına dālldür. ʿAlī ḥażretüñ fıṭnet‑i celīye‑ // lerinden bu vürūd ėtmişdür ve şifā‑yi ṣadr bunuñla müyesserdür. // Egerçi cevher‑i ferdüñ ṭuruq‑i yaqīninde delāʾil‑i felsefīye olduġı // gibi ṭuruq‑i is̱bātında daḫı eqāvīl‑i kes̱īre ve ḥücec‑i müteʿaddide // vardur. Aqvā‑i edille is̱bāt‑i noqṭaya mübtenīdür ki |